ရေဖျဉ်းအတွက် ဆေးနည်း ၂ သွယ်
ရေဖျဉ်းရောဂါ ပျောက်ဆေး
ရေဖျဉ်းရောဂါ နှင့်ပတ်သက်၍ဆေးနည်းအမျိုးမျိုး ကုနည်းအဖုံဖုံရှိကြပါသည်။ ရောဂါတစ်ခုကို ကုသမည်ဟု လေ့လာလိုက်လျှင် ရောဂါတစ်ခုအတွက် ဆေးနည်း(၁၀၀)မက ရှိနိုင်ပါသည်။
အကြောင်းမှာ လူတစ်ယောက်နှင့်တစ်ယောက် ရုပ်ခံဓာတ်ခံချင်း မတူသလို ရောဂါဖြစ်ပုံက အပူ၊အအေး၊ အပိန်၊ အဝ မှစပြီး ဓာတ်ချက်လက္ခဏာများ မတူခြင်းကြောင့်ဖြစ်ကြောင်း လေ့လာတွေ့ရှိရသည်။ ထို့ကြောင့် ဆေးတစ်ခုကို သုံးကြည့်၍ ကိုယ်မပျောက်တိုင်း ဆေးမကောင်းပါဘူးကွာ။ အလကားပါကွာလို့ မယူဆအပ်။ ကိုယ်နှင့်မပျောက်ပေမယ့် သူနှင့်ပျောက်နိုင်ပါသည်။
ယခုဖော်ပြမည့်ဆေးနည်း၂ မျိုးမှာလည်း လူတိုင်းပျောက်ကင်းနိုင်မည်ဟု အာမခံ၍မရပါ။ သို့သော်— သို့သော် လက်တွေ့ သုံးကြည့်ဖူးသည်က တကြောင်း။ မိတ်ဆွေဆရာများ ကုသအောင်မြင်နေသည်ကိုလည်း လက်တွေ့မြင်ဖူး ကြုံဖူးသော ဆေးနည်းဖြစ်ခြင်းအတွက် တိုက်ဆိုင်သူများအတွက် ကယ်တင်ရာရောက်အောင် ဖော်ပြပေးလိုက်ပါသည်။ အနည်းဆုံးလူ ၁၀ ယောက်မှာ ရယောက်လောက်တော့ အဆင်ပြေသက်သာ ပျောက်ကင်းကြသည်ကိုတွေ့ရပါသည်။ (လက်တွေ့)
၁။ ပေပင်၏ အရွက်အခက် အရိုးတံပါ မကျန်ယူ၍ နာနာညှစ်သော် သတ္ထုရည်ရပါလိမ့်မည်။ပေရွက် သတ္ထုရည် ၁၀ သားတွင်။ ယမ်းစိမ်း ၅ မူးသား ထည့်ပါ။ ထိုဆေးနှစ်ခုကို ဖျော်၍ တစ်နေ့ ၃ကြိမ် ဟင်းစားဇွန်း ၁ ဇွန်းခန့်စီ သောက်ပေးပါ။ ၃ပါတ်အတွင်း လက်တွေ့သက်သာ လာပါလိမ့်မည်။ အမြစ်ပြတ်အောင် ဆက်လက်၍သောက်ပါ။ ယမ်းစိမ်းနေရာတွင် ယမ်းတေဇောငြိမ်း ထည့်နိုင်လျှင် သာ၍ထက်ပါသည်။
၂။ ဇော်ဂျီခါး ပုံစ (ခေါ်) သစ်ကပ်ပင်တစ်မျိူးအား ရေနွေးဖျော၍ မကျည်းသီး၊ ကြက်သွန်နီ၊ကြက်သွန်ဖြူတို့ဖြင့် သုပ်၍စားပါ။ ၃ပါတ်အတွင်း သက်သာလာပါလိမ့်မည်။(လက်တွေ့)
ဤ ၂ နည်းဖြင့် သုံးစွဲကြည့်ကြပါ။ လူတိုင်းမဟုတ်ရင်တောင် လူအများစု လက်တွေ့ သက်သာပျောက်ကင်း ကြပါလိမ့်မယ်။ အန္တရာယ်ကင်းရှင်းစွာ သုံးစွဲကြည့်ပါ။
အားလုံး ကျန်းမာကြပါစေ။
ဆရာဦးကျော်လင်းအောင် ဟင်္သာတ
