ဇက်၊ ခါး၊ ဒူး၊ ဖနောင့် အတက်ထွက်ခြင်းနှင့် ကျီးပေါင်း ဖြစ်ခြင်းတို့အတွက် ဆေးနည်း

ဇက်၊ ခါး၊ ဒူး၊ ဖနောင့် အတက်ထွက်ခြင်းနှင့် ကျီးပေါင်း ဖြစ်ခြင်းတို့အတွက် ဆေးနည်း

လိုအပ်သည့်ဆေး –

၁။ ဟင်းနုနွယ်ဆူးပေါက်ပင် ပဉ္စငါးပါး လက်တစ်ဆုပ် (ဟင်းနုနွယ်အရိုင်းပင် ဆူးများ ပါပါသည်)

၂။ ထမင်းလက်တစ်ဆုပ်စာ။

ဟင်းနုနွယ်ဆူးပေါက် လက်တစ်ဆုပ် အပင်အရွက်အမြစ်ပါ ( ပဉ္စငါးပါးရေသေခြာဆေး ) ဓားဖြင့်စင်းပြီး ထမင်းလက်တစ်ဆုတ် ဆတူကို ဆုံတစ်ခုမှာ ထည့်ထောင်းလိုက်ပါ။ မိမိ အရိုးနာနေတဲ့နေရာကို တအုပ်စာခန့်မှန်းပြီး နှစ်မျိုးပေါင်းကို ညက်အောင်ထောင်းပါ။ ထောင်းပြီးရင် ပတ်တီးစခေါက်ပြီး အနာဆေးထည့်သလို ဆေးကိုအရင်အုပ်။ ပြီးတော့ ကျီးပေါင်းဖြစ်သည့် နာကျင်သောနေရာ ဂုတ် (သို့ ) ခါးတို့အား ပတ်တီးစကို အဲ့ဒီ အပေါ်ကအုပ်ပြီး စက္ကူတိတ်ကပ်ပေးထားပါ။

ခြေဖနောင့်၊ တံတောင်ဆစ်၊ ဒူးတို့အတွက် ဆေးအုံပြီး ပတ်တီးဖြင့် စည်းပေးထားလျှင် ရပါသည်။ မနက် တစ်နာရီခန့်ကပ်၊ အသစ်ပြန်ထောင်း။ ညဖက် တစ်နာရီခန့်ကပ်။ တနေ့ ၂ ခါကပ်ပေးပါ။ အချိန်ပိုလည်း ရပါတယ်။

ကျီးပေါင်း၊ အရိုးအတက်ထွက်ခြင်းအတွက် ထိရောက်ပါတယ်။ တစ်ပတ်ခန့် စိတ်ရှည်ရှည်နှင့် ပုံမှန်လုပ်ပေးပါက အရိုးကျီးပေါင်းအတွက် အမှန်တကယ် ထူးခြားလာပါလိမ့်မယ်။

စကားချပ် – ဟင်းနုနွယ်ဆူးပေါက် အာနိသင်ဟာ ပုလင်းကွဲများနှင့် ရောပြီးပြုတ်လျှင် ပုလင်းကွဲစောင်းများ သေသွားပြီး မျက်လှည့်ပြကြသူများက ထိုဟင်းနုနွယ်ဆူးပေါက်ဖြင့် ပြုတ်ထားသော ပုလင်းကွဲများကို နင်းပြကြပြီး မျက်လှည့်ပြကြသည်ဟု မှတ်သားဖူးပါသည်။

Credit-စိုင်းမင်းသန့်