ကျောက်ကပ်ကျန်းမာရေးပြဿနာဟာ အဖြစ်များတဲ့ ကျန်းမာရေးပြဿနာတွေထဲက တခုဖြစ်ပြီး ခန္ဓာကိုယ်တွင်းက အဆိပ်အတောက်တွေကို စစ်ထုတ်ပြီး ဆီးအဖြစ် စွန့်ပစ်ဖို့အတွက်လုပ်ဆောင်ပေးရတာကြောင့် အရေးကြီးတဲ့ ခန္ဓာကိုယ်အစိတ်အပိုင်းတခုပါ။ ဒါကြောင့်ကျောက်ကပ် ကျန်းမာရေးအတွက် လူတိုင်းစားပေးသင့်တဲ့ အစားအစာတွေကို ဖော်ပြပေးချင်ပါတယ်။
(၁) ပန်းဂေါ်ဖီ
ပန်းဂေါ်ဖီမှာ ဗီတာမင်စီ၊ ဗီတာမင်ကေ၊ ဗီတာမင်ဘီနဲ့ အမျှင်ဓာတ်တွေ ကြွယ်ဝစွာပါဝင်တာကြောင့် ကျောက်ကပ် ကျန်းမာရေးပြဿနာတွေကို ကြိုတင်ကာကွယ်ပေးနိုင်ပြီး အူမကြီးကင်ဆာနဲ့ ပန်ကရိယကင်ဆာလို ကင်ဆာရောဂါ တွေ ဖြစ်ပွားခြင်းကနေလည်း ကာကွယ်ပေးနိုင်ပါသေးတယ်။
(၂) ကြက်သွန်ဖြူ
ကြက်သွန်ဖြူမှာ ဗီတာမင်စီ၊ ဗီတာမင် B6 နဲ့ ဆာလဖာဓာတ်တို့ ပါဝင်တာကြောင့် ကိုယ်တွင်းအင်္ဂါရောင်ရမ်းခြင်း တွေကို လျော့ပါးသက်သာစေနိုင်သလို ကျောက်ကပ်ကျန်းမာရေးပြဿနာနဲ့နှလုံးရောဂါ ဖြစ်ပွားခြင်းတွေကနေ ကာကွယ်ပေးနိုင်ပါတယ်။
(၃) နာနတ်သီး
နာနတ်သီးဟာဆိုရင်လည်း အမျှင်ဓာတ်ကြွယ်ဝပြီး ဗီတာမင်စီနဲ့ Bromelain တို့ ပါဝင်မှုများတာကြောင့် ကျောက်ကပ်ကျန်းမာရေးပြဿနာတွေကို ကြိုတင်ကာကွယ်ပေးနိုင်ပါတယ်။
(၄) ဘယ်ရီသီးများ
ဘယ်ရီသီးမျိုးနွယ်ဝင်တွေဖြစ်တဲ့ စတော်ဘယ်ရီ၊ ဘလူးဘယ်ရီသီးတွေမှာ ဓာတ်တိုးဆန့်ကျင်သတ္တိတွေ ကြွယ်ဝစွာပါဝင်ပြီး ဗီတာမင်စီ ကြွယ်ဝစွာ ပါဝင်တာကြောင့် ကျောက်ကပ်မှာ ကျောက်တည်တာ၊ ဆီးအိတ်ပိုးဝင်တာနဲ့ တခြားသော ကျောက်ကပ်ကျန်းမာရေးပြဿနာတွေကို ကာကွယ်ပေးနိုင်ပါတယ်။
(၅) သံလွင်ဆီ
သံလွင်ဆီဟာ တခြားသောဆီတွေလို ခန္ဓာကိုယ်အတွက် ဆိုးကျိုးဖြစ်စေတဲ့ အဆီဓာတ်တွေ မပါဝင်တာကြောင့် ကိုယ်အလေးချိန် မြင့်တက်လာမှာကို စိတ်ပူစရာမလိုသလို ကျောက်ကပ်ကျန်းမာရေးကိုလည်း ကောင်းမွန်စေတာ ကြောင့် သံလွင်ဆီကို ဟင်းချက်ဆီအဖြစ် အသုံးပြုတာမျိုးနဲ့ နေ့စဉ်စားသံုံးပေးတာမျိုးတွေကို ပြုလုပ်သင့်ပါတယ်။
Credit-The Irrawaddy-Burmese Edition
