နှာတရှုံ့ရှုံ့ ဖြစ်နေသူများအတွက် ဆားငွေ့
ဆားငွေ့ရှုနည်း
တစ်ဆောင်းတွင်းလုံး နှာစေးနေခဲ့ရင်၊ လူရှေ့သူရှေ့မရှောင် နှာရည်ကျ၊ နှပ်တရှုံ့ရှုံ့ဖြစ်နေခဲ့ရင်အလွယ်တကူနဲ့ သက်သာစေနိုင်တဲ့ နည်းလမ်းကတော့ ဆားငွေ့ရှုတဲ့နည်းပါဘဲ။ ငွေမကုန်ပဲ သက်သာစေမဲ့ မီးဖိုချောင်က ဆေးနည်းလေးပါ။ ပြုလုပ်ပုံကတော့ ဟင်းရည်သောက်ကြွေပန်းကန်လုံးထဲမှာ ပရုပ်ဆီအနည်းငယ် သုပ်လိုက်ပါ။ ပြီးရင် ဆား ဟင်းစားဇွန်းနဲ့၃ဇွန်း ထည့်ပါ။ ဆူပြီးသားရေနွေး သို့မဟုတ် ဓာတ်ဘူးထဲက ရေနွေးပူပူ လောင်းထည့်ပါ။
တက်လာတဲ့ ဆားအငွေ့ကို ဦးခေါင်းမှာ တဘက်ပုဝါ တစ်ထည်ခြုံပြီး ကြွေပန်းကန်ထဲက တက်လာတဲ့ အငွေ့ကို ရှုပေးပါ။ အငွေ့နှာခေါင်းထဲရောက်အောင် သေချာရှူပေးပါ။ ပင်လယ်ထဲက ဆားငွေ့လေရှုသလိုမျိုး အကျိုးခံစားရပါလိမ့်မယ်။
ဆားငွေ့ဟာ အဆုတ်ကျန်းမာရေးကို ကောင်းစေပါတယ်။ နှာစေးတဲ့ အရည်ထွက်ကျခြင်းကိုလည်း ထိန်းစေပါတယ်။ လေရှူပြွန်ရောင်ခြင်းကိုလည်း သက်သာစေတဲ့အပြင် ပိုးများ ကပ်တွယ်ပေါက်ဖွားခြင်းမှလည်းဟန့်တား ကာကွယ်နိုင်ပါတယ်။ ဒါကြောင့် ငွေကုန်ကြေးကျနည်းပြီး ဆေးရုံဆေးခန်း သွားစရာမလိုဘဲ ဒီနည်းကို နေ့စဉ်မှန်မှန်ဆောင်ရွက်ခြင်းဖြင့် အဆုတ်အအေးပတ်၊ နှာစေး၊ ထိပ်ကပ်နာဖြစ်ခြင်များမှ ကာကွယ်ပေးနိုင်ကြောင်း တင်ပြလိုက်ပါတယ်။
လေဖြတ်ပြီး အိပ်ယာထဲ လှဲနေရတဲ့ မိဘများကိုလည်း ဒီနည်းဖြင့် ဆားငွေ့ရှုပေးခြင်းဖြင့် အဆုပ်ပွ၊ ချွဲဆိုက်ခြင်းဘေးမှ ကာကွယ်စေနိုင်ပါတယ်။ လေဖြတ်သူများကို အင်္ဂလိပ်ဆေးတိုက်ရုံနဲ့ ပစ်မထားကြပါနဲ့။ သူတို့ အဆုတ်မပွအောင် ဂရုစိုက်ကြပါ။ ဆားငွေ့ရှုပေးပါ၊ မနက်နေရောင်ခြည်လည်း ပြပေးပါ။
Credit-ကြည်လွင်မြင့်(မုဒြာ)
