မုန်လာဥ အစိမ်းသုပ် ပြုလုပ်နည်း (အစားလည်းဆေး ဆေးလည်းအစာ)
မုန်လာဥကို ခပ်ပါးပါးလှီး။ ရေဆေး။ ကြက်သွန်နီ ပါးပါးလှီးထည့်။ သံပုရာရည်များများညှစ်ထည့်၊ ငြုတ်သီးထည့်။ မြေပဲပုစွန်ခြောက် ထောင်းထည့်။ သကြား၊ ဆားထည့်နယ်။ အရသာက ချဉ်ချဉ်စပ်စပ် လတ်လတ်ဆတ်ဆတ်မို့ မုန်လာချဉ်သုပ်ထက် ပိုကောင်း။(အစိမ်းနံ့ မနံပါ) တချို့က ရှတတအရသာနဲ့ အစိမ်းနံ့ပျောက်အောင် ဆားနဲ့ နယ် ၊ရှာလကာရှည်နဲ့နှပ်ကာ အရည်ညှစ်ထုတ်ပြီးမှ သုပ်စားတတ်ကြပါတယ်။
ကျန်းမာရေး
၁။သွေးအားကောင်းစေပါတယ်။
၂။အမျှင်ဓာတ်များစွာပါပါတယ်။ဝမ်းချုပ်တာကာကွယ်။
၃။နှလုံးထိခိုက်မှုတွေက ကာကွယ်ပေးပါတယ်။
၄။သွေးတိုးသမားတွေအတွက် အထူးသင့်တော်ပါတယ်။သွေးပေါင် ထိန်းညှိပေးပါတယ်။
၅။ဘီတာမင်စီ များစွာပါလို့ ကိုယ်ခံအား ကောင်းစေပါတယ်။
၆။ရေဓာတ်ကိုဖြည့်တင်းပေးပြီး အရေပြားကျန်းမာရေးကို အထောက်အကူပြုပါတယ်။
Credit-Ham Sai
