ခံတွင်းပျက်သူများ ခံတွင်းလိုက်စေပြီး သွားကျဉ်၊ သွားကိုက်၊ ပန်းနာ ဝေဒနာများအတွက် အစွမ်းထက် ခရမ်းကစော့ပင်
အပင်အမြင့်မှာ တစ်တောင်မှ သုံးတောင်ခန့် မြင့်၏။ ခရမ်းသီးပင် နှင့်တူ၏။ အကိုင်း အခက်များတွင် မာသော ဆူးများရှိ၏။ အရွက်မှာ တစ်လက်မမှ ခြောက်လက်မအထိ ရှည်၍ တစ်လက်မမှ လေးလက်မ အထိကျယ်၏။ အသီးတွင် အဖြူစက်ကလေးများရှိ၍ အသီးမှာ ဆီးဖြူသီး အငယ်စား ခန့်ရှိ၏။ အရသာမှာ စပ်၊ ခါး၊ ပူဖြစ်၏။
ပိုးရောဂါ၊ သလိပ်နှင့် လေဒေါသကို နိုင်၏။ ယားနာ၊ နူနာတို့ကို ပျောက်ကင်းစေတတ်၏။ အပင်မှာ နှလုံးကို ကျေးဇူးပြု၏။ အများအားဖြင့် အသီးလုံးများကို ထမင်းဝိုင်းတွင် အတို့အမြှုပ် အဖြစ် စားသုံးကြသလို ချက်၍လည်းစားကြ၏။ သလိပ်ရောဂါ၊ လေရောဂါ၊ ပျို့အန်ခြင်း၊ ယားနာ၊ ပန်းနာ၊ ထိုးအောင့်သော ရောဂါတို့ကို ပျောက်ကင်း စေတတ်သည်။ ခံတွင်းပျက်သူများ ခံတွင်းလိုက်စေ၍ အစာလည်း ဆေး၊ ဆေးလည်းအစာ ဟူသော စကားပုံအတိုင်း ခရမ်းကစော့သီးကို စားသုံးခြင်းဖြင့် ဖော်ပြပါ ဝေဒနာများ ပျောက်ကင်းစေသည်။
သွားနာ၊ သွားကိုက်၊ သွားကျဉ်ခြင်း များအတွက် ခရမ်းကစော့ အမြစ်ကို သွေး၍ သိပ်ပေးခြင်း၊ ၎င်းအမြစ်မှုန့်ကို မှိုင်းတိုက်၍ အခိုးကို ရှူပေးပါက သွားနှင့် ပတ်သက်သော ရောဂါများကို ပျောက်ကင်း စေသည်။ ။
Credit-Original Uploader
