ဩဇာသီး ဆေးဖက်ဝင်ပုံ
နှလုံးရောဂါနဲ့ ဆိုင်တဲ့ ရောဂါများကို တားဆီးပေးနိုင်သည်။ ကြွက်သား အားနည်းခြင်းများ၊ ပင်ပန်းနွမ်းနယ်ခြင်းများစတဲ့ ရောဂါလက္ခဏာများကို သက်သာစေနိုင်ပါတယ်။ ဩဇာသီးကို စားပေးခြင်းဖြင့် ဆံပင်၊ မျက်စိ၊ ခြေသည်း၊ လက်သည်းနှင့် အသားအရေတို့အတွက် များစွာအထောက်အကူဖြစ်စေပါတယ်။ ဆေးလိပ်သောက်သူများအတွက်ဆိုရင်လည်း အဆုတ်မှ နီကိုတင်း ဓာတ်ကို ဖြေဖျောက်ပေးကာ အဆုတ်ကို သန့်စင်ပေးပါသေးတယ်။ကိုယ်ဝန်ဆောင် အမျိုးသမီးများအတွက်လည်း အားဖြည့်ပေးနိုင်စွမ်းရှိဖို့ စားသုံးသင့်တဲ့ အစာဖြစ်ပါတယ်။ဩဇာရွက်ကို ကြိတ်ပြီးစားပါက သန်နှင့်တုတ်ကောင်များကို ကျစေနိုင်တယ်။ အကြောငုတ်တာ၊ တက်တာကိုလည်း အုံပေးပါရင် သက်သာပျောက်ကင်းနိုင်တယ်။ အရွက်ကိုချေပြီး ရှူပေးပါက အမူးအမော်နှင့် ထိပ်ကပ်နာဝေဒနာများကို ပျောက်ကင်းနိုင်ကြောင်း သိရပါတယ်။ ဩဇာသီးအစေ့မှာ အဆိပ်ရှိတဲ့အတွက် မစားသုံးသင့်ပါ။ ဒါပေမယ့် အစေ့ကို အမှုန့်ပြုလုပ်ပြီး အနာပေါ်တွင် ဖြူးပေးရင်ဖြင့် ပိုးမွှားများကို ကာကွယ်နိုင်ပါတယ်။ အမြစ်ကို သွေးပြီးသောက်ရင် ဆီးချုပ်ဝေဒနာကို ပျောက်ကင်းစေနိုင်ပါတယ်။ အချို့သော ကလေးများတွင် စအိုနီထွက်၊ အူကျရောဂါ ဝေဒနာကို ခံစားရတတ်ကြတယ်။ အဲဒီ့ ဝေဒနာအတွက် ဩဇာရွက် လက်တစ်ဆုပ်စာကို ရေနဲ့ပြုတ်ပါ။ ရလာတဲ့ အရည်နဲ့ ရောဂါ ခံစားနေရတဲ့ ကလေးငယ်ကို တစ်နေ့ နှစ်ကြိမ်မှ သုံးကြိမ်အထိ ဆေးပေးပါ။ သိသာစွာ ပျောက်ကင်းစေနိုင်ပါတယ်။ ဩဇာသီးကို ပျားရည်နှင့် တွဲဖက်မစားသင့်ပါ။ စားမိပါက အော့အန်တတ်ပြီး အခန့်မသင့်ရင် သေစေနိုင်ပါတယ်။ ဝက်သားနဲ့ တွဲဖက်စားရင်လည်း မူးဝေအော့အန်တတ်တယ်။ သဘာဝသကြားဓာတ် ကြွယ်ဝတာကြောင့် ဆီးချိုရောဂါ ဝေဒနာရှင်များ အထူးရှောင်ရှားကြပါ။ ပန်းနာရောဂါရှိတဲ့သူများ မစားတာ အကောင်းဆုံးပါ။
Credit – ချိုသွယ်ဦး
